Epe laburrean, uda aldia hasiko da eta hilabete hauetan Gorlizko biztanle kopurua biderkatu egiten da, kostaldeko Larrialdi zerbitzua hartzen zuten udalerrietan gertatzen den bezala (Lemoiz, Plentzia eta Barrika). Horrekin batera ere biderkatu egingo dira bidean izango diren pertsonak, hondartzara edo aisialdi guneetara joango direnak. Talde jeltzalearen ustetan, uda aldiko biderkatze hau kontuan hartu behar da osasun zerbitzua planifikatzeko orduan eta larrialdi zerbitzuak kokatzeko orduan.

Larrialdi zerbitzuak 34 urtetan egon dira, astelehenetik ostegunera 17:00etatik 08:00etara, eta asteburuan egunean 24 ordutan ostiral arratsaldeko 20:00etatik eta etxez etxeko zerbitzua barne. Osakidetzak ordutegiak eta zerbitzuak modifikatzeko proposamena egin du eta ekainaren 19tik aurrera jarri nahi du martxan eta horren bidez erietxeko larrialdi zerbitzua itxi nahi du eta zerbitzu hau Gorlizko anbulatoriora eraman eta ordutegia ere murriztu nahi du, hau da astelehenetik ostiralera 15:00etatik 22:00etara eta larunbatetan 08:30etatik 22:00etara. Planteamendu honek gaueko Larrialdi zerbitzuak kentzen ditu toki honetan, etxez etxeko arreta barne. Gorliz, Plentzia, Barrika eta Lemoiz herrietako zerbitzua Mungiara eraman nahi du Mungialde eta Txorierriko herriekin batera.

Jeltzaleen ustetan, gaia larriago bilakatzen duen beste zerbait dago. Zerbitzua emateko esparrua oso zabala da "baina garrantzitsuena eta agian kontuan hartu ez dena da bere dentsitatea. Arreta emateko pertsona kopuruak  hausnarketa egitera eraman behar gaitu Gorlizko gaueko Larrialdi zerbitzua udan zehar kentzeaz pentsatzen dugunean".