Talde jeltzalearen zinegotzi bozeramaileak azaldu duenez, Eusko Jaurlaritzak  305.749 euroko kopurua eman du urteko lehen hilabeteotako gastuei aurre egiteko. Aurreko urteko kopurua 404.703 eurokoa zen. Talde jeltzalearen ustetan, ehun mila euroko beherakadak agerian uzten du Exekutibo autonomikoak herriarekin duen "konpromiso hutsala". Adierazi dutenez, ,jarrera hau "onartezina da" egoera ekonomikoak udalerrira ekarri dituen arazoak kontuan hartuta eta "familia askoren egoerak dramatikoa izaten jarraitzen duelarik".

Sestaoko jeltzaleen ustetan, Udalak aurten 750.000 euroko aurrekontua beharko luke hiritar guztien eskariei erantzun ahal izateko. Hori dela eta diru gehiago eskatu dio Eusko Jaurlaritzaren Gizarte Ekintza sailari. Bergarak alkatearen jarrera ere kritikatu du, Gasteizko bere alderdikideei ez dietelako herriarentzako baliabide gehiago eskatu.