“Ez dago Gobernu egitasmorik, eta halakorik baldin bada, egitasmo hori Legebiltzarrerako hauteskundeetara PSE-EE alderdia aurkeztu zen hauteskunde programa bada, agerikoa da ez dela inolako erreferentziarik egiten atzerriko euskal taldeen inguruan. Aipamenik ez, lerrorik ez programa horretan. Horrek erakusten du bere Gobernuak ez duela atzerrian dauden euskaldunen inguruko kezka izpirik” azpimarratu du Andoni Ortuzarrek Eusko Legebiltzarrean izan den Kontrol Bilkuran.
Zentzu horretan, ordezkari jeltzaleak azaldu duenez kanpoko eta barruko politikek “lotuta egon beharko lukete”, “barruko arazoei erantzuna emateko orduan, kanpora begiratu behar delako”. Halaber, kanpoan bizi diren euskaldunek “goitik beherako euskaldun izaten jarraitzen dute” berretsi du eta beraz “Legebiltzarrean onartuta dituzten eskubideak bermatu behar dizkiegu”.