Sabino Arana Fundazioak elkarraldi hori epe ertaineko egitasmo baten lehenengo urrats gisa antolatu du, hots: Euskadiko herritarrak adoretzea eta motibatzea, giza eskubideen defentsarekin eta indarkeriaren gaitzespenarekin duten konpromisoaz gain, euren baitan pixkanaka harrera egin diezaioten terrorismoak eragindako samin hori eraldatzeko prozesu bati, horretarako, bizikidetza- eta adiskidetze-bake baten aldeko ahalegin kolektibo bat eginez.

Mahainguruan, gatazkek erasandako kolektibo biren planteamendu eta bizipenak, pertsonalak zein sozialak, aurkeztuko dira: Israel-Palestinako eta Irlanda-Britainia Handiko taldeak, zeintzuk, bizikidetza-bake baten aldeko konpromisoari jarraiki, indarkeriak sorrarazitako minaren eraldaketaren erreferentzia esanguratsu bi baitira.

Gonbidatuak Jo Berry, Building Bridges for Peace erakundeko eta Bakearen aldeko Nazioarteko Sareko presidentea; Pat Magee, Ipar Irlandako bake-prozesuaren aldeztailea; Aaron Barnea, Gurasoen Elkartea-Familien Mintzagunearen Nazioarteko Harremanetarako arduraduna, eta Ali Abu Awwad, Gurasoen Elkartea-Familien Mintzagunearen eleduna dira.