Jeltzaleek proposamen hau aurkeztu diote Gobernu taldeari; hau da, IKT sektoreko 240 langabe kontratatzea aurreikusten duen proposamena. 960.000 eurotan baloratuta dago eta urte beteko aldirako izatea proposatzen da. Jeltzaleen egitasmo honek 16 ekimen garatzea planteatzen du bakoitzean udalerriko 15 langabe kontratatu ahal izateko. Halaber, udalerriko informatika prestakuntza zentroak ere izango dira onuradun, hauek izango litzatekeelako langabeei prestakuntza emango dietenak.

Aukeratutako pertsonek aurretiazko prestakuntza egitasmoa eta ziurtapen prozesuari lotutako prestakuntza garatu beharko dute. Hasierako aldi hauen ostean lortutako prestakuntza eta kalifikazioa egiaztatzeko azterketa egin beharko dute eta horrez gain lan praktikoa izango dute edo kontratatzeko konpromisoa egon beharko da sektoreko enpresen aldetik.