"EAJren aldetik Aldundia animatu izan dugu egitasmo hau bultza dezan, eta Aldundia oso modu zentzudunean egiten ari da, Solomon Guggenheim Fundazioaren eskutik hain zuzen. Horretarako, nazioarte mailako ideia lehiaketa martxan jarri nahi da, ekainean eta uztailan egingo litzatekeena", azaldu du Bizkaiko jeltzaleen buruzagiak.

Lehiaketa honen helburua da "lurzoruari etekinik handiena eta egitasmo bikaina egitea, era berean Urdaibai eskualdearen ingurumena errespetatuta eta ahal den garrantzirik handiena emanda". Ortuzarrek gogoratu duenez, adibideak badaude munduan, AEBko Louisiana Museoa kasu, "Urdaibairen antzeko esparruetan" gauza biak uztartzea lortu delarik.

Arte Bi-urtekoa izan daitekeen Eusko Jaurlaritzaren egitasmoari dagokionez iragarri duenez, Patxi Lópezen exekutiboak "seriotan hartu beharko luke Busturialdea eta Urdaibai" eta  "muturreko politika egiteari eta Aldundiak esandakoari alternatibak aurkezteari utzi beharko lioke".