Ekitaldia Bizkaiko hiriburuko Ertzilla kalean dagoen Agirreren irudiaren aurrean egin da. Bertan izan dira Carlos Garaikoetxea, eta José Antonio Ardanza Lehendakari ohiak. Agirreren alaba ere izan den lore eskaintzaren ostean, Iñaki Azkuna Bilboko alkateak adierazi duenez, "Agirre  oinarri sendoak zituen gizona izan zen" eta "errespetua zor zaio"  nahiz eta bere ideia politikoekin bat ez egin.

Ekitaldia amaitutakoan gerra garaian Eusko Jaurlaritzaren egoitza izan zen Carlton Hotelean jarraitu da ekitaldia eta bertan, "Gernikatik Nueva Yorkera, Berlinetik igarota" izenburuko liburuaren zati batzuk irakurri dira.