Joan den urtean, Txorierriko Mankomunitateak eta eskualdeko futbol elkarteek batzarrak izaten hasi ziren. Asmoa, futbol mundua euskalduntzea. "Entrenamenduetan euskararen erabilera bermatzeko zeregina geneukala konturatu ginen", esan du  Carrok. "Kirola euskaraz egiteko aukera mantendu nahi dugu".

Eta azkenik metodologia guztia biltzen duen liburua aurkeztu dute : hiztegia, beroketa, prestakuntza fisikoa, psikomotrizitatea, teknika, taktika, estrategia eta kirolaren psikologia lantzen dira bertan. 500 ale kaleratu dituzte eta Txorierriko eskola zein futbol klubetan banatuko dira.