Aitziber Irigorasek gaineratu du Durangoko EAJk "ez duela bere ibilbide demokratikoaren gaineko azalpenik eman behar, ezta terrorismoaren kontra daukagun konpromisoa berretsi behar ere, eta ez dugu onartuko ez Alderdi Sozialistak ez beste inork zalantzan jartzea ez bata ez bestea".

Aipatutako osoko bilkura horretan Txosnen gaineko ordenantza ere eztabaidatu zen, eta alkatea andreak azpimarratu du "terrorismoaren aldeko adierazpenak geldiarazi egin behar direla, baina herritarren adierazpen-askatasuna murriztu gabe".