"Guztiz onartezina da kalean jakitea zioa iresgarritasuna irabaztea dela, batez ere gune horretan Bizkaiko Foru Aldundiak jarduera egin duelako zentzu horretan hobetzeko. Edonola ere, iresgarritasuna eta ingurumena ez lirateke bata bestearen kontra jarri behar eta bestelako alternatibak ere badaude", arrazoitu du Miguel Angel Buruaga Atxondoko Udalean EAJ-PNVren bozeramailea denak. Honek udal teknikariari auzokideen eskutik jasotako neurri bilduma bat eskaini dio, neurriak "denak dira bideragarriak", bozeramaileak berak esan duenez.

Atxondoko udal Gobernuaren jarduera guztiz arbuiagarria da hau ez delako arbolak espaloietatik kentzeko mozketa egiten den lehen aldia. Jeltzaleek duela urte bi kokatzen dute azkena eta herrigune osoan berrogeita hamar bat arbola moztu ziren eta EAJ-PNVren udal taldearen ekimenez eta auzolagun batzuen laguntasunarekin gelditu egin zen. Esan dutenez, "auzokideek ere gure moduan uste dute, iresgarritasuna lortzeko bada, beste alternatibak daudela".

Atxondoko EAJ-PNVk kritikatu duenez, hauek ez dira aztertu eta ANVren Gobernu taldeak entzungorrarena egin du informazio eskariaren aurrean eta gauza guztien gainetik ez da gelditu arbola mozketa indiskriminatua Zearreta auzorako sarbide berriztatu honetan. "Entzun egin dugu arbola zatiekin konpost ekologikoa egingo dela. Espero dugu horrela ez izatea eta behingoz gelditu daitezela, hogei bat arbola moztu dituztelako", ezarri du Miguel Angel Buruaga Atxondoko EAJ-PNVren bozeramaileak.