EAJk eskatu egin du gaia, berriro ere, mahai gainean jar dadila, izan ere, ez du ulertzen zergatik egon den horren presa handia gai horiek onesteko abuztuko ezohiko osoko bilkura batean, langile ugari oporretan dagoela jakinda. Soldaten kopuruan egondako beherapena uztailetik aplikatzen ari zaie funtzionarioei, eta haiek negoziazio txanda irekitzea eskatu zuten eragiten zieten gainerako neurriak nola aplikatuko zitzaizkien eztabaidatzeko.

Barakaldoko alderdi jeltzalea soldatak murrizteko neurriak aplikatzearen aldekoa da, eta horregatik eskatu du idatziz bere udal taldeari soldata murriztapena aplika diezaiotela. Hala eta guztiz ere, Gobernu espainiarraren Dekretua aplikatzea erabaki zuen bozketan abstentzioaren bidetik jo du, izan ere, ez dator bat talde sozialistaren estiloarekin, alegia, erabakiak inposatzearekin gainerako neurriak udaleko lantaldearekin negoziatu gabe.