Saio nagusiei dagokienez, Oysterband talde mitikoa Folk Getxo jaialdiko hogeita seigarren edizioari hasiera emateaz arduratuko da. Bigarren egunea, festa balkanikoaren txanda iritsiko da, Mahala Raï Banda taldearen eskutik, hau da: Bukaresteko behe auzoetatik sortutako talde errumaniarra. Bertan, hamaika herri ospakizunetan aritutako gazte musikariek eta haize-banda militarretan ikasitako artista beteranoek bat egiten dute, soinu tradizionalak ska, reggae edo funk soinuak uztartzen diren musika-nahasketa harrigarria sortzeko.

Jaialdia erdialdera iritsiko da larunbatean, hilak 11, edizio hoen emanaldirik garrantzitsuenarekin: Ladysmith Black Mambazo. Eta azkeneko egunean, hilak 12, Portugaleteko Xabi Aburruzaga trikitilariak amaiera bikaina emango dio Folk Getxo Jaialdiari, "Denboraren naufrago" azken lanaren aurkezpenarekin.