"Oso pozik gaude, gure Ekonomia Itunaren sendotasuna berretsi delako eta arrazoia eman digutelako era eta modu guztietara defendatu dugunoi euskal udalen gaineko finantza-tutoretza foru aldundiei ez beste inori dagokiela", adierazi du pozik Bizkaiko Ogasunaren arduradunak.

Iruarrizagak azpimarratu duenez, "Madrilen, PSOE eta PP alderdien ordezkariek EAJren ekimen baten alde bozkatu dute, eta Euskadin, aldiz, zain gaude oraindik ere Eusko Jaurlaritzak noiz erantzungo aurrekontuen egonkortasunari buruzko araudiaz egin genizkion eskaerei: ekainaren amaieran, Ogasuneko hiru foru diputatuek gutun bat bidali genion Ekonomia eta Ogasuneko sailburuari, eta zain gaude oraindik ea noiz egingo den presazkotzat jo den Ekonomia Itunaren Batzorde Mistoak egin beharreko bilera".