EAJren aburuz, merkatari hauek "urteak daramatzate euriak eragindako ur filtrazioen ondorioak pairatzen, eta ikusten dute konponbidea emateko ardura duten erakundeak, hau da, udala eta Eusko Jaurlaritza, geldirik geratzen direla".

Talde jeltzaleak kritikatu duenez, "erakunde biak ari dira pilota batetik bestera pasatzen". Asmoa "errudunak bilatzea" baino "konponbideak aurkitzea" dela baieztatu ondoren, Barakaldoko EAJ-PNVren udal taldeak azaldu duenez "Gurutzetako denda-galeria hauetako merkatariek merezi dute erantzuna eta konponbidea".