Azoka horren helburua da langileak behar dituzten enpresen eta lana bilatzen ari diren getxotarren artean elkargunea  sortzen laguntzea. Horretarako, bi sektore horietan lan egiteko interesa duten pertsonek lan eskaintzetan izena eman ahal izango dute, eta haiek Getxolaneko langileek kudeatuko dituzte egunean izango diren elkarrizketa pertsonalen bitartez. Era berean Getxolanen zerbitzuei, eta laguntzeko teknikariei buruzko informazioa eta Interneten nabigatu ahal izateko ordenagailuen gunea ere egongo da.

Aldi berean, informazio hitzaldiak izango dira eta horietan jardunaldian aipagai izango diren sektoretako lan egoera (lanpostuak, funtzioak, merkatuan dagoen profilaren eskaera, soldaten baldintzak..) aurkeztuko dute bi enpresek eta bestetik, bi tailer praktiko ere izango dira, bata lan elkarrizketa egiteko teknikei buruzkoa eta bestea bideo-kurrikulumaren grabaketaren ingurukoa.