Bizkaiko EAJren lehendakariak baieztatu duenez, talde jeltzaleak bere toki horretan jarraituko du akordioa betetzen dela "bermatzeko". Halaber, adierazi du autogobernua "denon egitekoa dela" eta beraz, EAJ alderdia oposizioan egon arren "hortxe izango da autogobernurako urrats hori garrantzizkoa izan dadin eta lanpostuak sortzen lagun dezan".

Ortuzarren esanetan, popularrek enplegu politika aktiboen inguruan egin duten kritika "ulergaitz egiten den umekeria da" "transferentzia ondo negoziatuta dagoelako, Autonomi Estatutuak esaten duenaren arabera ondo negoziatuta dagoelako, eta diru kopurua izan behar dena delako, hau da, kontzertu ekonomikoak ezartzen duenaren arabera".