EAJ-PNVk salatu duenez, beste behin ere ez da beteko La Paz eguneko zentroa inauguratzeko data. Zentro hau itxita dagoen arren, auzokide guztiak ordaintzen ari dira. "Gertakari honen aurrean iragarri genuen gainerako alderdiei laguntasuna eskatuko geniela arloko arduradun politikoari azalpenak eskatzeko. Deialdi hau atzo egin zen. PSEk La Paz zentroa itxita mantentzeko eman dituen azalpenak entzun ostean, EAJ-PNVk eta beste alderdiok berretsi nahi dugu inoiz baino beharrezkoagoa dela Gizarte Ekintza Batzordea deitzea".

EAJ-PNVk Aldundiko arduradunekin kontrastatu ditu PSE alderdiaren aldetik egin diren adierazpen batzuk "ezer baino lehenago esan behar dugu kezkatuta eta harrituta gaudela Gobernu taldeak bere akatsak onartu baino, errua besteen lepora bota nahi duelako. Jarrera hau benetan kezkagarria da, arreta desbideratzeko duten helburu horrekin beste erakundeekiko gatazka sortzen dutelako. Udal ordezkariek ez dute egia esaten".