Bizkaiko eta Euskadi osoko kostetan jasan diren euri jasa eta haizeteen ostean agerian geratu da Gorlizko jeltzaleek iragan den apiriletik salatzen zutena, hau da, harri piloa dagoela itsasalde osoan. Hasiera batean auzo-lagunak izan ziren udal talde jeltzaleak deituta lehen garbiketa egin zutenak. Honen ondorioz, udal gobernuaren kritika gogorrak jaso zituzten udal interes turistiko eta finantzakoen kontra egiten zutela egotzita.

Gorlizko EAJ-PNVren udal taldeak berriz ere salatu du Gorlizko hondartzaren oraingo egoera, harriz beteta baitago korronte eta olatuen indarraren eraginez. Oraingoan ere Udalari eta Ingurumen ministeriokoa den Itsasalde-Mugatze  sailari eskatzen diote Gorlizko hondartza garbitzeari ekin diezaiotela.