Ordezkari jeltzaleak azpimarratu egin duenez gogortu egin dira euskal arrantza ontzidiak aste bitan jasan dituen erasoak "Hamar eraso jasan dituzte Intertuna 3, Demiku, Elai Alai, Playa de Anzoras, Albacan, Erroxape, Campolibre Alai eta Playa de Aritzatxu itsasontziek. Erasoak kostaldetik urrun gertatzen dira, piratek lehenagotik bahitutako itsasontziak erabiltzen dituztelako beren antolaketa hobetze aldera".

Bilbaok azpimarratu duenez itsasontziak "segurtasun pribatua daramaten arren" oraindik dira oso ahulak. "Segurtasun horren eta militarren arteko koordinazioa hobe daiteke EUNAVFOR-ek ez baitu eraso hauetan parte hartu. Ez dakite eraso hauei nola erantzun".