Goizeko saioa, zein gazte jendeari (DBH, Batxilerra eta LH) zuzendua baita, 10:00etan egingo da, A1 aretoan, eta saio horretan hitz egingo dutenak izango dira: Félix Ruiz, Tuenti gizarte-sarearen sortzailea; Manuel Iarzabal, telefonia mugikorrean aditua, eta Javier Etxebeste, Yahoo Iberiako presidente ohia. Gainera, ekitaldia zuzenean ere jarraitu ahalko da Fundazioaren web orriaren bitartez: www.sabinoarana.org. Orobat, hiru gonbidatuek internautek posta elektronikoz, komunikazioa@sabinoarana.org helbidearen bitartez, egiten dizkieten galderei erantzungo diete.

Bestalde, arratsaldeko saioan (19:30etan, E aretoan), eta guraso, hezitzaile eta, oro har, jende guztiari zuzenduta, "Protégeles" elkarteko egitasmo-zuzendari José Luis Zatarainek, Ertzaintzako Informazioaren Teknologietako Delituen Bulego Nagusiko kide batek eta, berriro, Javier Etxebestek parte hartuko dute.