Ricardo Barkala Gizarte Ekintza saileko zinegotziak aditzera eman bezala gizarte langileek beren denboraren %25etik gorakoa erabili ahal izango dute adingabeen babeserako. Urtean zehar, babes gabe dauden edo hauen lagun diren 2500 adingabek parte hartuko dute Gizarte Ekintza sailak umeak eta nerabeak babesteko garatuko dituen egitasmoetan.

Egitasmo ezberdinetan arreta emango zaien adingabeen artean 747 dira arrisku egoeran daudenak, 374 dira arrisku arinean daudenak eta 199 arrisku moderatuan daudenak eta hauei egingo zaie jarraipen "pertsonalizatu eta sarriagoa Udaleko Gizarte Ekintza saileko zerbitzuetatik. 30 dira arrisku egoera larrian daudenak eta Bizkaiko Foru Aldundiaren arreta jasotzen dutenak. Gainerakoak balorazio aldian daude gaur egun.