Bilbaok argitu du, “gaur guztiz dohakoa agintzen dutenak, euren errezeta liberalekin krisia konponduko dela eta enplegua sortuko dutela esaten duten horiek, Espainian higiezinen burbuila, adreiluaren ekonomia sustatu zutenak” direla. “Horrek guitxi batzuk aberastu ditu, eta langabeziara bialdu ditu bost milioi persona”.

“Zuek, Ortuellan, meatzalde osoan, badakizue zein dan eskumaren diskursoa eta estiloa. Urteetan bizi izan duzue. Ez ahaztu inoiz zer egin zuen eskumak zuen gurasoekin. Odola xurgatu zieten, bizian kontsumitu zituzten, euren aberastasun itzelak lortu ahal izateko. Gainera, gero, ez zuten lotsarik izan aberastasun horiek itsasadarraren beste aldean erakusteko”.