Erkorekaren aburuz “hauteskundeak aurreratzearen erabakia neurri handi batean aurre ikusi egiten zen bi gauzengatik. Batetik, Alderdia eta Gobernuaren arteko tirabirak izan direlako, alderdia garaile irten delarik, eta hori aurrerakuntzaren oinarrietako bat izan da. Eta bestetik, alderdi sozialistak argi ikusi duelako momentu honetan baldintza egokiak ematen ari direla. Batzuk eta besteak kontutan hartuta, argi zegoen hauteskundeak aurreratu egin behar zirela”. “Ezin zitekeen Gobernuarengatik gehiago espero”.

Bukatzeko buruzagi abertzaleak azaldu du baita “Euskal Talde parlamentarioak legealdiaren oso balantze baikorra egiten duela. Aurrera pausu handiak eman ditugu eta autogobernuaren legealdia izan dela esan dezakegu. Urteetan zintzilik izan diren transferentziak lortu ditugu”. “Gainera, Gobernuak, nahiz eta hauteskundeak deitu, gurekin duen hitzarmena betetzeko aukera dauka eta esfortzu nabarmenak egingo ditugu ezer bete gabe geldi ez dadin”.