Onda Vascak egin dion elkarrizketa batean, Ortuzarrek adierazi du Euzko Alderdi Jeltzaleak “arduratuta” dagoela egungo datu ekonomikoengatik eta “etengabeko” kontaktuak izaten ari direla Rodríguez Zapaterorekin, ekonomiaren arloko bere taldearekin eta beste indar politiko batzuekin, nazioartekoa izaki ere bereziki Espainia “hagitz gogor” astintzen ari den krisi latz honen aurrean zer urrats eman daitekeen  aztertzeko asmoz.

Ortuzarrek esan duenez, Alderdi legez, aspalditik dabiltza egoeraz “zeharo arduraturik” eta “zeharo jakitun”; izan ere, bere Alderdiak badaki egoera hori leuntzeko “aparteko” neurriak hartu behar direna eta alderdiei ere “oraingoan erantzukizunez eta zintzo jokatzea” dagokiena.