Ortuzarrek esan duenez, aldundiak, Euskadiri dagokionez, oinarri-oinarrizko erakundeak dira euskal autogobernurako, “herri honen historian erabat sustraiturik daudenak” eta “hiritarrei zerbitzu on asko” ematen dizkietenak. Ildo horri jarraiki, ondoko aholku hau eman die Espainiako bi alderdi nagusiei: “halako gauzarik proposatu aurretik galdetu diezaiotela euren buruari ea arazoa zein den, erakundeak eurak edo erakundeok nola kudeatzen diren”.

"Beharbada, honakoa da erantzuna: norbait hainbat urtean dagoela erakundeak eta diru publikoa gaizki kudeatzen, ahal denaren gainetik zorpetzen, alferreko gastu handiosak egiten, eta, hain zuzen ere, krisi garaietan, kontrakoa egin behar litzateke, hau da, gastua kontrolatu, zerbitzu publikoak ondo kudeatu eta egin beharrekoa soilik egin, horrek guztiak hiritarrei oinarrizko zerbitzu egokiak ematea eragingo baitu”, adierazi du burukide jeltzaleak.