Aldundiak erabaki du 2011-2012rako mendetasunen bat duten adinekoen egoitza eta eguneko zentroetako plazen prezioa eguneratzea eta “horrek ez die kostu handiagoa eragingo erabiltzaileei”, foru erakundeak jakinarazpen batean adierazi duenaren arabera. Hala, mendetasunen bat duten adinekoentzako egoitza-plaza baten gehienezko prezioa 2012. urtean plaza eta eguneko 78,74 eurokoa izango da. Aurten zenbatekoa, berriz, 74,70 eurokoa da.