Ahaldun Nagusiak zera azpimarratu du: "Publikoki eskatzen diot lehendakariari Espainiako Alderdi Sozialista Langilearen menean ez jarduteko, eta euskal herritarren interesak eta gure herriaren, Euskadiren, autogobernua irmo defendatzeko".

Bilbaoren esanetan "Euskadiren interesak eta autogobernuaren defentsa ezin dira mediatizatu Estatu mailako hauteskunde-interesekin. Eta amaitzeko zera esan du: "Lehendakariari eskatzen diot Euskadiren interesak orain arte erakutsi duena baino irmotasun handiagoaz defendatzeko eta, gure autogobernuaren defentsan, euskal autogobernua urritzeko saiakera honi euskal erakundeen baterako erantzuna emateko".