Metropoliaren hegoaldeko saihesbidea eraiki da, hain zuzen ere, irtenbide bat emateko A-8 autobideak Bilboko metropolian egun dituen arazoei.A-8 autobidea ahalmen handiko bide gisa diseinatu zen, ibilbide luzeko trafikoaren (Kantabria eta Gipuzkoa) zein ibilbide laburreko trafikoaren beharrei erantzutearren, baina, urte batzuetatik hona, ibilgailuz lepo egoten da autobide hori, eta, hori dela eta, nahitaezkoa zen autobidea bikoiztea.

Horrenbestez, ibilbide luzeko trafikoa hartuko du metropoliaren hegoaldeko saihesbideak, hau da, Bizkaia zeharkatu edo Bizkaian sartu edo irten gura duten ibilgailuak hartuko ditu, ibilgailuok azkar eta seguru ibil daitezen, AP-8 autobidearen Bilboko zatia zeharkatu beharrik izan gabe. Horrez gainera, biztanle-guneetatik aldendu ahalko da salgai arriskutsuen garraioa, ibilgailu gutxiago igaroko dira hirigunetik eta gas gutxiago isuriko da atmosferara.

Ezkerraldeko lotuneak

Metropoliaren hegoaldeko saihesbideari (AP-8) esker, beste elementu osagarri batzuk ere eraiki ahal izan dira, Ezkerraldeko eta Meatzaldeko lotuneak, hain zuzen. Bada, aurreko urteko uztailean zabaldu ziren lotuneoi esker izugarri hobetu da Bizkaiko errepide-sarea.

Lotuneok eraiki zirenetik hobea eta seguruagoa da inguru horietako herriak metropoliarekin eta A—8 autobidearekin lotzea, eta, gainera, Ezkerraldea eta Meatzaldea hobeto komunikatu ahal dira, autobideak berak eragindako oztopoa gainditu egiten da eta.