Kontratuaren iraupena sei hilabetekoa izango da eta lanaldi osoarekin eta 2011ko urriaren 1etik 2012ko martxoaren 31era bitartean. Interesatuek 2011ko irailaren 20ra arte izango dute izena emateko epea. Egitasmo hau Lanbide eta Abanto- Zierbena Udalaren artean finantzatu dute. Honakoak dira beteko diren lanpostuak: bost peoi, eraikuntza arduraduna, baso garbiketa /lorezaintza arduradun bi, hiru lorazain, hiru monitore, hiru laguntzaile administratibo eta bost hiri zaintzaile.

Manu Tejada Abanto-Zierbenako alkate jeltzaleak bere Udala egiten ari den ahalegina azpimarratu nahi izan du “gure udalerriko langabeei lan egiteko aukerak eman ahal izateko” ,eta gogoratu nahi izan du Diru Sarrera bermatzeko Errenta jasotzen duten hainbat pertsona Berziklatu enpresaren lan munduratze egitasmoan ari direla “beren egoeran lan egiteko irtenbideak aurkitzerik izan dezaten”.