Ortuzarrek ETAri eskatu dio bere amaiera iragartzea, matrikulen lapurreten eta erakundearen banaketaren inguruko espekulazioak amai daitezen; era berean “adorea eta kuraia” eskatu dio ezker abertzaleari, banda armatuari desegiteko “urratsak berehala” eman ditzala eskatzeko.

Ildo berean zehaztu du “oso larria” dela  ETA izan baldin bada; eta ez bada izan “kontuan izan behar du  zenbat eta lehenago esan bere amaierara iritsi dela  eta bere taldea  zenbat eta lehenago  desegin, orduan eta errazagoa izango da  beraiek izan ote direnaz espekulatzeari uztea”.

Ortuzarrek ETAri desagertzea eskatu dio, baina ezker abertzaleari ere esan dio “adorea eta kuraia” izan dezala bandari “urrats horiek berehala ematea” eskatzeko. “ETAk ez dio ezeri itxaron behar, ez du Madrilen keinurik itxaron behar” baieztatu du.