Bilbon eskaini den prentsa aurrekoan, Andoni Ortuzar BBBren lehendakariak, Fátima Ansotegi legebiltzarkide jeltzaleak eta Enkarterrietako alkate eta hautagaiek gaitzetsi egin dute PSE-EE eta PP alderdiek Euzko Alderdi Jeltzaleak aurkeztutako proposamena onartu ez izana. EAJren egitasmo honen bidez exekutibo autonomikoari eskatzen zitzaion eskualderako “biziberritze ekonomiko eta industriala” bultzatzeko planarekiko konpromisoa hartzea.

"Ez dakigu PSE eta PPren ezetzaren arrazoia, Eusko Jaurlaritzari dagokion arduratik ihes egiteko ez bada”, azaldu du Andoni Ortuzarrek. Bere hitzetan Enkarterriak eskualdearen egoera “oso latza da” eta beraz “botere publiko guztiengandik behar du jarduera ekintzailea, Eusko Jaurlaritzatik hasita”.