Zentzu honetan argitu duenez “baketze prozesua bortxakeriarik gabeko aldia baino gehiago da” eta horregatik, beharrezkoa da talde armatuak iragarpen hori egitea euskal zein espainiar gizarteak “behin betiko, bortxakeriarik gabeko aldian bizi eta elkarbizi daitezen”.

"Jakitun gara gizarte bat etengabe eraiki behar dela elkartasun izpirituan oinarrituta, elkarrizketatik, iritzi ezberdinetik eta eztabaidatik” azaldu du Telecincori eskaini dion elkarrizketan. Une berean argitu du ETA baino, talde eta eragile politikoak direla, “baketzerako” prozesu politiko horretako protagonistak.

Gaineratu duenez “argi geratu da hasieratik” talde terrorista ez dela “eragile politikoa”, presoak ere ez diren moduan. “Politikariak gara gai politiko hauei aurre egin behar diegunak. Hori agerikoa da. Euskal Gatazkatzat jotzen dugunaren konponbidea erakundeen esparruan eman beharko da” azpimarratu du.