Erkorekak azaldu duenez, “azken hiru hamarkadetan, testigantza hutsaletik ihes egin dugu. Agian, egun batean ohartarazpenen bat edo deiadarren bat egin dezakegu, batzuetan beharrezko gertatzen delako. Baina hurrengo egunean, lanean aurkituko gaituzue. Orain bai. -Ez zela egon behar- esaten ziguten haiek, besteok ezagun dugun mundua deskubritzen dute eta konturatu egin dira -egon, egon behar dela-. Ondo dago, ongi etorriak errealitatera!”.

Buruzagi abertzaleak azaldu du baita “trantsizio berrira hurreratzen ari gara, bortxakeriarik gabeko errealitatera. Euskadirentzako estatus politiko berria exijitzen digun errealitate berrira.  Zalantzarik ez dugu iraganeko akordio eta konpromiso zabalak berreskuratu behar direla: akordio politikoa, erakundeen babesa eta gizartearen berrespena. Guk Madrilen ahaleginak egingo ditugu , egingarri gerta dadin. Madrilgo Euskal Talde Parlamentarioa horretarako abiapuntua izango da. Gure konpromisoa da: egotea, egitea eta zenbat eta hobeto, orduan eta hobeago”.