Sestaon ospatu den ekitaldian, Erkorekak “denek talde lan honetan elkarturik egoteak” duen “garrantzia” azpimarratu du “inor ez baitago soberan bakearen eraikuntzan”. “Denok gara beharrezko eta hobe da goiko helburuei begiratzea, eskuzabaltasunez jardutea” azpimarratu du.

Zentzu honetan, denei zuzendutako deia egin du “ahalegin berezia egiteko eta lan honi ekiteko, talde lana izan behar baita fruituak eman ditzan”.

Halaber, eragile politikoei eskatu die berehalako hauteskunde interesen gainetik egin dezaten eta “zalantzarik gabe bakerako” bidea hartu duen korrontearekin bat egin dezaten.