“Alaitasun honekin batera, bi ideia gehiago. Aurrenekoa. Orain benetako Euskadi bakarra erakusteko aukera dugu. Euskadi benetan eta soilik zer den erakutsi behar dugu. Euskadi mundura irekia. Euskadi bizia, langilea, modernoa, solidarioa. Eta baita ere, batez ere, indarkeria sufritu duten denei gogoratu eta goraipatuko duena. Hori da Euskadi, hori da gure gizartea” azaldu.

Urkulluk azaldu du baita bigarren ideia. “Denon artean etorkizun berri bat eraiki behar dugu. Lehen pauso hau garrantzitsua izan da, ezinbestekoa. Baina bidea luzea da. Bakea landu egin behar da, betirako bakea lortzeko. Lana, konpromisoa eta ardura denon arteko eta denontzako etorkizun berri bat eraikitzeko. Hau da gure bidea eta bide honetan jarraituko dugu. Zorionak Euskadi!!! Gora bihotzak eta gora Bakea!”, aldarrikatu eta berehala, jendez gainezka zegoen Sabin Etxeko aretoan, txalo mordo zaratatxu eta hunkigarria entzun izan da.