Radio Euskadiri eskainitako elkarrizketan, Ortuzarrrek baieztatu du Aresek “ez duela egiarik esan gai hau kudeatu den moduaz hitz egin duenean”. “Guk Euskadin zabaltzen den aldi berria agurtzeko deialdia egitekoaz galdetu zitzaigunean, Lehendakaritzari esan genion ados geundela, baina aldi berrirako indar berriak ere deitu behar zirela” azaldu du.

Zentzu honetan gaineratu duenez “ez zuen inolako logikarik, denok prozesuaren irabazle eta garaile aldarrikatzen garen aldi honetan, bereziki bakeak eta askatasunak irabazi duelako, erasoetako biktimekiko solidariotasunean egiten ziren mobilizazioak planteatzen ziren eragozpen eta arazo  berberak izatea”.