Prentsan zabaldu duen adierazpenean, talde jeltzaleak salatu duenez  “azken hilabeteotan lapurretak gertatu dira Dimako hainbat tokitan” eta lapurretak “gero eta ugariagoak “ dira. Azaldu dutenez, “segurtasuna bihurtu da auzokideen kezka nagusienetakoa”. Horregatik EAJk proposatu du Udal ordezkariek eta Herrizaingo sailak bilera mantentzea bien arteko lankidetza “indartzeko“ eta herrian Ertzaintzaren presentzia handitzea eskatzeko eta horrela “auzokideen segurtasuna bermatzeko”.