Jeltzaleek Osoko Bilkuran adierazi duten eran “gure adierazpen askatasuna eta ekimen politikoa baliatzen jarraituko dugu, BILDUren aldetik mugarik eta baldintzarik onartu gabe”. Beren ustetan “BILDUk ez du ondo ulertu zein den udal gobernuaren egitekoa, eta are gutxiago mugatu nahi duen oposizioarena”

“Aniztasun politikoak oposizioko alderdi politikoei ematen die sistema demokratikoa bermatzeko egitekoa. Eta sistema demokratiko orotan oposizioari eska dakiokeen egiteko funtsezkoa da gobernu jardueraren kontrola” gaineratu dute.

“Hemen datza, hain zuzen, BILDUk nahi ez duena, alkate andreak berak esan duenez EAJ fiskalizatzera eta kontrolatzera etorri da”. “Hala da, eta gustuko izango ez duen arren, EAJ ondarrutar kopuru handi baten ordezkaria den aldetik, lan horretan jarraituko du egoki jotzen duen une guztietan, eta beti gure herriaren onerako”