Erkorekaren aburuz, “datozen urte hauek oso garrantzitsuak dira gure etorkizunerako. Arazoak ditugu, bai. Bainan aukerak ere bai. Etorkizun berri bat eraikitzeko aukera dugu. Eta zeregin honetan Euzko Alderdi Jeltzaleak bidea jorratzen eta bidean aurrera egiten badakiela erakutsi du. Aurrera begiratu eta lau erronka gainditzeko konpromisoa hartzen dugu. Lehendabizikoa ENPLEGUA. Hazkunde ekonomikoa eta iraunkorra bultzatuko dugu, Euskadin enplegua sortuko duena. Bigarrena EUSKADIREN DEFENTSA. Zentralismo itsu berri baten aurrean gaude, 30 urte eta gero LOAPA berri baten aurrean gaude. Orduan bezala gure autogobernua eta nortasuna defendatu behar ditugu”.

Hirugarren erronka bezala “ONGIZATEA” azpimarratu du. “Krisi egoera oinarrizko zerbitzu publikoak murrizteko erabiltzen ari dira Espainian. Gure ongizatea mantendu eta hobetu egin behar ditugu, atzerapausorik gabe. Eta laugarrena BAKEA eta NORMALIZAZIOA. Etorkizun berri bat eraiki behar dugu, indarkeria atzean betirako uztiko duena”.

“Hauek dira erronkak. Hauek Euzko Alderdi Jeltzalearen konpromisoak: ENPLEGUA, EUSKADIREN DEFENTSA, ONGIZATEA, BAKEA ETA NORMALIZAZIOA” esanez bukatu du.