“Orain, zubia pasa, eta aspaldi egin behar zutena egin behar dutela esaten dute. Bazen garaia. Bainan ongi etorriak. Indarkeriarik gabe, bakean eta demokrazian, Euskadik udaberri berri bat biziko du. Hori da gure konpromisoa. Euskadiren alde, atzo, gaur eta beti” gaineratu du.

Abertzale abertzalearen aburuz, “bakea nahitaezkoa da, baina gaur egun lehentasuna enplegua da. Azken urte honetan langabezia %25ean hazi da Euskadin. Espainian baino hiru aldiz gehiago. Lehenengo Espainian baino hobeto geunden, orain aldiz geroz eta okerrago. Hau da PSE-PP itunaren emaitza. Langabezia gehiago”.

“Behera eta behera goaz Lopez-Basagoiti itunarekin. Eta guri dagokigu, guri bakarrik, egoera honi buelta ematea. Hori da gu guztion zeregina, Euskadiren alde egitea. Euskadi gorako bidean berriro ere jartzea. Euskadi gora begira eta ez behera. Hori da gure zeregina eta ardura” azaldu du.

Urkulluk azaldu du EAJren helburua “Estatus politiko berri bat” dela. “Urte luzeetan, indarkeriaren tunel beltzean egon ondoren, argia ikusi dugu. Argi hori Euskadiren itxaropena da. Eta itxaropen hori ez dugu alde egiten utziko. Herri bat gara. Herri bezala aurrera egin behar dugu. Herriak berak markatuko duen bidea eginez. Nahi dugu eta lortuko dugu. Urteetan amestu dugun etorkizun berria lortuko dugu. Gure esku dago. Gu guztion eskuetan. Euskadi, Nazioa Europan. Gora Euskadi Askatuta!”.