SMS eta E-mezu bidezko informazio zerbitzua martxan jarri zuten 2011ko apirilean, hiritargoarekiko komunikazio arin eta eraginkorra egokitzeko eta udal web orrialdean ematen den informazioaren osagarri izateko.

Helburua da bizilagunei udal arlo ezberdinek sustatutako jarduera eta zerbitzuen inguruko informazioa eta hiritarrentzako intereseko jotzen dituzten albisteen berri ematea. SMSak gai ezberdinen inguruan informatzeko ohar laburrak dira eta informazioa zabaltzeko iturriaren berri ematen dute (udalaren web orrialdea eta harremanetarako telefonoa).

Urrirako, 565 ziren zerbitzu honetan izena eman zuten pertsonak. Pertsona hauek 15 gai ezberdinen artean eta hizkuntza (euskara edo gaztelania) aukeratu ahal izan dute. Zerbitzua “nahierara” eskaintzen da eta hiritarrak berak aukeratzen ditu edukiak.

Erabiltzaileek gehien nahi dituzten gaien artean daude enplegua, sustapen ekonomikoa eta merkataritza, kultura, oharrak, lan eta zerbitzuak eta  Hirigintza eta Etxebizitza.