“Ekonomia konpetitiborako politika industriala proposatzen dugu; gizartearen zerbitzura dagoen finantza sistema sendoa; ekonomiaren  eta aurrekontuen egonkortasuna. Europar gobernantza indartsua, eta  enplegua sortzea ahalbidetuko duen lan harremanen  euskal sistema propioa” gaineratu du.

Ekitaldian izan dira, besteak beste, EAJren EBBren presidente den Iñigo Urkullu; Jose Antonio Ardanza Euskalteleko zuzendaria; Bizkaiko Ahaldun Nagusi den Jose Luis Bilbao; Confebaskeko presidente den Miguel Angel Lujua; IDOMeko presidente Fernando Qurejeta edo/eta EUDELeko presidente den Ibone Bengoetxea.

Buruzagi abertzalearen aburuz, “gaur, inoiz baino gehiago behar dugu  mailegu, banku eta aseguruen transferentzia Euskadira ekartzea. Eskumen honek tresnak emango dizkigu gure finantza marko propioa eratzeko, Euskadiren garapenari erantzuteko. Euskadiko kutxen kasuan, argi eta garbi geratu da,  kutxek behar besteko sendotasuna badutela,  finantza sistemaren krisialdi egoera honetan”.

“Horregatik ba, EAJren aldetik, lan harremanetarako euskal markoa aldarrikatzen dugu. Gure marko propioa; ardura, enpresa eta langileei emango diena; etengabeko prestakuntzaren eta lanpostuen egonkortasunaren alde egingo duena.  Enpresek behar besteko tresnak eta malgutasuna izan behar dute, euren produktu eta zerbitzuen eskariari egokitzeko”.