Zamudio, lehen orain eta beti diska Xabier Aburruzaga musikariak produzitu du eta eskualdeko abesti tradizionalen moldaketa eguneratua biltzen da bertan. Egitasmoaren punturik nagusienetakoa izan da hasiera-hasieratik herrikideek  parte hartu dutela, eta lanean izan dira herriko hainbat elkarte, besteak bete Zamudioko Kamara Korala eta Gazte Elai Txistu Taldea. Horrez gain, berrogei umek osatutako ahots zurien abesbatzak ere parte hartu du. Bilduman 15 abesti tradizional eskaintzen dira eta Aburruzagaren bi abesti berri. CD hau zamudiotarrei doan eskainiko zaie eta salgai jarriko da Durangoko Azokan.