Egitasmo hauen artean ere badago denbora bankua martxan jartzeko proiektua, eta honetan basauriar guztiek parte har dezakete. Ekimen honen bidez, hiritarrek beren ezagutzak eta esperientziak parteka ditzakete dirua erabili gabe. Adibidez, sukaldaritza eskolen truke informatika, argazkilaritza, ingelesa edo euskara ikasi ahal izango dute, beti izena eman duten pertsonek duten ezagutzaren arabera.

Lan hauetarako hartuko diren pertsonak langabeak izango dira, zergapeko prestaziorik eta diru sarrerak bermatzeko errentarik gabeak eta sei hilabetetan lan egingo dute ordutegi osoan. Soldatek indarrean dagoen legeria betetzen dute eta sektoreko konbenioaren arabera ezarri dira.

Kontratazio hauek Eusko Jaurlaritzaren +Euskadi egitasmoaren barruan daude. Udalak 2011ko maiatzean egitasmoak finantzatzeko aurkeztu zuen egitasmoan eskatutako kopurua %50ean murriztu zuen.