Euskadi Irratiari eskainitako elkarrizketan, Bilbaok hitz hauek erabili ditu Patxi Lopezek iragan astelehenean Exekutiboak murrizketak aurreikusten zituela iragarri ondoren; hurrengo egunean Idoia Mendia bozeramaileak ukatu egin zituen eta Mendiak berak eskatu zituen zerga sistemaren modifikazioak.

"Orain dugun Eusko Jaurlaritza desastre handia da alde guztietatik eta desastre honetaz ez hitz egiteko, mezu batzuk botatzen ditu beste eztabaiden arreta desbideratzeko. Guk egin dugu gure eztabaida fiskala eta osatu egin dugu. Zergen inguruko eztabaida beharrezkoa da, baina Eusko Jaurlaritzak nahi duena beste gauza da, eztabaida beste gai batzuetara desbideatzea, ekonomiaz, Osakidetzaz, hezkuntzaz eta enplegurako politika eraginkorretaz  ez hitz egiteko. “ke potoa” bezalakoa da, azpimarratu du.