Ordezkari jeltzaleek gobernu taldeari Ogasun batzorde monografikoa eskatuko diote udal teknikariekin batera, udalerriaren egoera ekonomikoa aztertzeko.

“Amore ematea ez da erantzun egokia, gure ustez zinegotziek finantza publikoak hobetzeko lanari ekin behar diote, eta horrekin batera Atxondoko bizilagunen bizitza kalitatea hobetu. Ez du balio konparaketan sartzeak eta lurra jo duten udaletxeak salatzeak, Bilduk Mañaria eta Zaldibarrekin egin duen moduan. Hauek biek  gutxienez oinarrizko zerbitzuak ordaintzen baitituzte” gaineratu dute.

“Duela gutxi -azaldu du Atxondoko EAJ-PNVk- ezagutu egin dira 2011ko kitapeneko datuak, eta  ezagutu egin dugu 500.000 euroko defizita dugula gehi 2010eko defizita. Osotara 650.000 euroko zorra dago. Gaur egun, ohiko gastua, egunero udaletxea zabaltzeko behar den diruak, ANVren eta orain Bilduren gestioarekin, ez du diru nahikorik uzten kaleak behar diren moduan zaintzeko, duela bi legegintzaldi, auditorietan islatuta den legez, EAJ-PNVren kudeaketarekin gertatu zen moduan”.

Amaitzeko, Atxondoko EAJ-PNVk adierazi nahi du “herri hobe baten ideia bizirik mantendu” nahi duela “zerbitzu modernoekin, udalerria erakargarri egiteko, auzokide berriak etor daitezen eta oraingo bizilagunen bizitza kalitatea hobetzeko. Toki merkataritza sustatzeko ekimenak aurkeztea pentsatu dugu, kultur eta kirol ekipamendu berriak egin nahi ditugu, baina jardun hauek ez dira bateragarriak Atxondo hondamendira eramango duen oraingo gobernu ereduaren jarraipenarekin”.