Arraza diskriminazioa erauzteko Nazioarteko Egunean, Udalak “aniztasun kulturalaren aldeko ahalegina egin nahi du, lehengo bizilagunen eta hiritarren berrien arteko bizikidetza eta harremanak sustatzeko”. Helburu horrekin, hainbat ekimen proposatu dira, besteak beste auzokide berriei kirol eta kultura arloko baliabideen berri ematea, eta ekitaldi eta toki partekatuetan parte har dezaten sustatzea.

Eguna ospatzeari dagokionez, Basauriko Udalak auzokideak gonbidatu ditu asteazkenean Sozial Antzokian eskainiko den "El Havre" izenburuko pelikula ikustera.  Aki Kaurismäkiren pelikula honek Frantziako herri txiki batean ume etorkin bat heltzean  auzokideen arteko harremanetan eragiten diren eraldaketak aztertzen ditu. Doako sarrerak Sozial Antzokiko leihatilan emango dira. Lehen emanaldian, 18:00etan haurtzaindegi zerbitzua eskainiko da.