Elorrioko Udaleko Gazteria Sailak lehenengo Aste Santuko umeentzako koloniak antolatu ditu. Umeek euren oporretan tailerrekin,jokoekin eta kirol-jarduerekin gozatzeko aukera izatea da helburua.

Ekimena, 3 eta 13 urte bitarteko umeei zuzenduta,bi astetan burutuko da, apirilaren 2tik 4ra eta 10etik 13ra.Gauzak horrela,ordutegi eta aukera ugari eskaintzen dituen programa honekin gozatzeko zazpi egun izango dituzte umeek.

Parte-hartzaileak, adinaren arabera,hiru taldetan banatuko dira:

- Lehenengo taldea: 3-5 urte bitartean,

- Bigarren taldea: 6-8 urte bitartean,

- Hirugarren taldea: 9-12 urte bitartean.

Lehenengo taldearentzat planteatzen den ordutegia 9:00etatik 14:00ak arte da. Dena den,15:30ak arte luza daiteke,jantoki zerbitzua hartuz.Beste talde biek ordutegi bera izango dute.

Dena den, programaren bigarren astean,6 urte baino gehiago duten umeentzako Kirolaren Astea antolatu da,arratsaldeetan ere,16:00etatik 18:00ak arte, ospatuko dena. Ekimen honek hainbat jarduera barneratuko  ditu.