Imanol Landa, Getxoko alkate jeltzaleak gogoratu duenez proposamen “berritzailea da, eta belaunaldi guztientzat zuzendutako parkea da, bizilagun guztiek toki berriaz gozatzeko aukera izan dezaten”.

Era berean zehaztu du parkea erabilera publikorako irekiko den arren, parkeko toki estali batean kokatuko den jantokia ez da oraindik zabalik egongo. Jarduera proiektua tramite bidean dago eta aurrerago irekiko da. Halaber, Gernika parkearen inguruan ere, asteazken honetan irekiko dira Gobela ibaiaren parean  Baserria eta Akazi kaleen artean doan errepide zatia, eta Akazi kalea bera, ibaiaren ondoko pasealekuaren eta Elkano kale artean; errepide zati biak Leioatik Getxorako norabidean.