ETBri eskainitako elkarrizketan, buru jeltzaleak EAJ-PNVren aldetik adierazi du Iñigo Cabacasen familia eta lagunekiko solidariotasun eta dolumina. Cabacas hil egin zen Schalke 04ren kontra jokatu zen Europa Leagueko partidaren ostean izan ziren gertakarien ondorioz jaso zituen zaurien eraginez.

Era berean eskatu du kasuaren “alderdi guztiak” ikertzea, eta jakin beharreko puntu guztietara iristea “gizarteak ere  gertatu zena jakin behar duelako”.

Rodolfo Ares Herrizaingo Sailburuaren dimisioa eskatzeko adierazpenei buruz esan duenez  “zuzenean kaltetutako pertsonengandik irteten ez bada, gainerakoa soberan dago Legebiltzar Batzordean bertan Herrizaingo Sailburuari planteatu dioguna azaldu arte”.

EBBren presidenteak azaldu duenez, bere taldearen kezka “eskopeten erabilera edo gomazko piloten erabileratik harago doa “, hau da “inguruabar zehatz batzuen aurrean zein ote da  poliziaren indarra erabiltzearen zentzua, orain bizi duguna moduko testuinguruan”.